Jöklarannsóknafélag Íslands Iceland Glaciological Society Jöklarannsóknafélag Íslands Iceland Glaciological Society is with Andri Snær Magnason.

1 week ago

Kvikmyndin Um tímann og vatnið var frumsýnd á Íslandi í fullum sal í gær í Háskólabíói. Myndin hefur fengið mjög góðar undirtektir erlendis á ýmsum hátíðum og þykir mikil listasmíð.

Á meðan jöklar bráðna og afar og ömmur hverfa yfir móðuna miklu, breytir Andri Snær kvikmyndasafni fjölskyldunnar í tímahylki til að varðveita það sem er óðum að hverfa, minningar og sögur. Um tímann og vatnið er óður til lands og jökla og umfjöllun um hvað það þýðir að lifa á tímum umbreytinga en myndin byggir á samnefndri bók. Mörg okkar í Jöklarannsóknafélagi Íslands stöndum efninu nærri, ekki bara vegna þess að umfjöllunarefnið eru jöklar, heldur þar sem stór hluti myndarinnar fjallar um sögu heiðursfélaga JÖRFÍ, Árna Kjartanssonar og Huldu Filippusdóttur, afa og ömmu höfundarins, Andra Snæs.

Árni og Hulda tilheyrðu hópi frumherjanna í Jöklarannsóknafélaginu sem ruddu brautina fyrir komandi kynslóðir. Árni var einn helsti hvatamaður þess að koma á árlegum vorferðum JÖRFÍ á Vatnajökul og átti stóran þátt í uppbyggingu skálanna í Jökulheimum og á Grímsfjalli. Vorið 1956 fóru þau Hulda í sína fyrstu sameiginlegu vorferð, sem jafnframt var brúðkaupsferð þeirra hjóna. Sú ferð var viðamikil og á þeim tíma voru engir skálar á jöklinum, svo gist var í tjöldum. Nafnið á Brúðarbungu, syðst í Kverkfjöllum, varð til í þessari sömu brúðkaupsferð og er vel við hæfi að eitt af örnefnum Vatnajökuls tengist þeim merku brautryðjendum.

Bæði voru þau metin að verðleikum innan félagsins og gerð að heiðursfélögum; Árni árið 1975 og Hulda árið 2000. Þau ræktuðu sambandið við jöklana og voru haldin „jöklabakteríunni“, sem færði þeim upplifanir í ægifagurri náttúru, góðar minningar og traust vinabönd sem myndin gerir mjög góð og falleg skil. Hulda var sjálfsörugg, hrein og bein, og hafði lag á að greina kjarnann frá hisminu. Árni taldi það alltaf sína mestu gæfu að hafa kynnst Huldu og átt með henni langt og gott líf.

JÖRFÍ óskar höfundum til hamingju með myndina og hvetur alla til að sjá þessa mynd en hún er sýnd í Smárabíó og Bíó Paradís á næstunni. ... See MoreSee Less

Message Page

Jöklarannsóknafélag Íslands Iceland Glaciological Society

2 months ago

Vorferð Jöklarannsóknafélags Íslands árið 2026 er afstaðin og tókst með eindæmum vel. Mikill undirbúningur lá að baki ferðinni að venju þar sem gengið var frá tækjum, vistum og flutningi á efni fyrir viðhald á Nýja skála á Grímsfjalli í síðustu viku í maí. Vegna gulra veðurviðvarana var brottför seinkað af öryggisástæðum til sunnudagsins 31. maí, þótt lítill framvarðarhópur hafi lagt af stað degi fyrr til að sinna mælingum á Breiðamerkurjökli.

Á sunnudeginum kom allur 25 manna hópurinn og tækjafloti sér örugglega upp Skálafellsjökul. Þaðan var haldið á Grímsfjall, þar sem bækistöðvar voru í skálum Jöklarannsóknafélagsins á Grímsfjalli.

Næstu dagar fóru í vinnu, mælingar og viðhald mælitækja víðsvegar um jökulinn, en veðrið lék við hópinn stærstan hluta ferðarinnar. Unnið var að umfangsmiklum íssjár- og þyngdarmælingum á Bárðarbungu og Dyngjujökli, og sett var upp myndavél við sporð þess síðarnefnda til að vakta mögulegt framhlaup.

Einnig var afkoma og gas mælt í Grímsvötnum, boraður djúpur afkomukjarni á Tungnaárjökli til að kvarða hitastreng, og sýni sótt í Tungnaár- og Köldukvíslarjökul fyrir örplastrannsóknir. Eitt af stærri verkefnum ferðarinnar var að kanna aðgengi að Kverkfjöllum.

Þar sem hefðbundin leið var orðin ófær vegna aukins jarðhita var sérhæfð deild vélsleðamanna send á undan til að stika út nýja og örugga leið austan við Gengissig svo hægt væri að ljúka nauðsynlegu skálaviðhaldi og komast í GPS stöð í Kverkfjöllum.

Ferðin snérist ekki einungis um vinnu, heldur einnig um góðan félagsskap og útiveru í einstakri náttúrufegurð Vatnajökuls. Stór hluti leiðangursins fór hinn árlega og vinsæla Gullna hring um suðvesturhluta Vatnajökuls. Þar gafst tími til að njóta veðurblíðunnar, ganga á Pálsfjall og renna sér niður fjallshlíðar á snjóbretti.

Samvinnan í hópnum var til fyrirmyndar allan tímann og þrátt fyrir þrönga sambúð á Grímsfjalli sneru allir aftur heim góðir vinir.

Ferðinni var fagnað með veglegri veislu og dansleik á palli Nýja skála á Grímsfjalli fram á rauða nótt, áður en tækjaflotinn skilaði mannskapnum örugglega niður af jöklinum næsta dag. ... See MoreSee Less

Jöklarannsóknafélag Íslands Iceland Glaciological Society Jöklarannsóknafélag Íslands Iceland Glaciological Society is with Náttúrufræðingurinn.

8 months ago

❄️ Nýtt hefti Náttúrufræðingsins er mætt – tileinkað jöklum! ❄️

Glæsilegt nýtt hefti af Náttúrufræðingnum er komið út!

Í heftinu má meðal annars finna:
Stóra yfirlitsgrein um íslenska jökla: Allt það helsta um stöðu þeirra og nýjustu rannsóknir á mannamáli.

Jöklarannsóknafélag Íslands 75 ára: Stutt og ítarleg grein um sögu félagsins í tilefni af merkum áfanga.

Heftið er prýtt fallegum ljósmyndum af íslenskri náttúru þar sem jöklar fara með aðalhlutverkið.

Heftið verður fáanlegt í öllum bókabúðum Pennans Eymundsson fyrir þá sem eru ekki áskrifendur. ... See MoreSee Less