Jöklarannsóknafélag Íslands Iceland Glaciological Society

23 hours ago

📢 Ný rannsókn sýnir að rýrnun jökla á jörðinni herðir á sér! ❄️🌍

Sem hluti af samfélagsverkefninu Glacier Mass Balance Intercomparison Exercise (Glambie) hefur verið safnað saman öllum helstu rannsóknum sem byggja á fjölbreyttum mælingaaðferðum til að meta breytingar á massa jökla heimsins síðustu tvo áratugi.
Niðurstöðurnar, sem birtar voru í vísindaritinu Nature, sýna að bráðnun jökla um allan heim dregur úr ferskvatnsbirgðum á svæðisbundnum mælikvarða og stuðlar að sívaxandi hækkun sjávarborðs á heimsvísu.

Samkvæmt greininni hafa jöklar jarðar, að frátöldum stóru jökulbreiðunum á Grænlandi og Suðurskautslandinu, tapað að meðaltali 273 milljörðum tonna af ís árlega frá aldamótum. Það samsvarar 273 rúmkílómetrum vatns á ári! 📉💧

Rýrnunin hefur aukist hratt undanfarin ár og hefur mikil áhrif á sjávarborð og vatnafar um allan heim. Þessi þróun hefur verið sérstaklega hröð í Mið-Evrópu og sunnanverðum Andesfjöllum, en einnig hér á Íslandi, þar sem jöklar hafa þynnst að meðaltali um 93 cm á ári frá 2000 til 2023. 🇮🇸🧊

Athyglisvert er að rýrnun íslensku jöklanna hægist eftir 2010, líklega vegna staðbundinnar kólnunar á Norður-Atlantshafi. Þó er ljóst að jöklarnir okkar eru meðal þeirra sem rýrna hvað hraðast í heiminum.

🔬 Rannsóknin er hluti af Glambie-verkefninu, alþjóðlegu samstarfi jöklafræðinga, og styður við átak Sameinuðu þjóðanna sem hefur tileinkað árið 2025 jöklum á hverfanda hveli.

Í viðhengi er myndband sem sýnir helstu niðurstöður og hvernig gagna er aflað um afkomu jökla. Gaman er að segja frá því að Vatnajökull leikur stórt hlutverk í myndbandinu svo við hvetjum fólk til að horfa á það. ... See MoreSee Less