Sigketill í suðurbrún Bárðarbungu.

Vorferð 2019

Sunnudaginn 9. júní lauk vorferð JÖRFÍ á Vatnajökul, þeirri 67. í röðinni, en fyrsta ferðin var farin 1953. Ferðin gekk mjög vel og okkur tókst að leysa af hendi öll verkefni sem áætlað var að vinna. Ferðin skiptist í fyrri og seinni hóp. Fyrri hópurinn var á ferðinni 29. maí – 4. júní, en sá seinni 4.-9. júní. Farið var um Skálafellsjökul en ekki Tungnaárjökul eins og venja er. Ástæðan er sú að Tungnaárjökull hefur hopað svo mikið að framan á síðustu árum að framan við hann er nú komin samfelld slétta með aurbleytu sem er ófær flestum farartækjum. Óvíst er hvernig verður á næstu árum, en vonandi finnst leið svo hægt sé að halda áfram ferðum um Jökulheima, enda er sú leið helmingi styttri frá Reykjavík en leiðin um Skálafellsjökul.

Klikkið á „read more“ til að lesa meira og sjá myndir.

Afkomumælingar á Mýrdalsjökli 18.-19. maí

Sjálfboðaliðar Jöklarannsóknafélagsins halda áfram reglubundnum afkomumælingum á Mýrdalsjökli. Næsta mælingaferð er fyrirhuguð helgina 18. – 19. maí, en tímasetning er háð veðurspá og verður dagur ákveðinn þegar nær dregur þessari helgi. Félagar í JÖRFÍ eru velkomnir með á jökla-bifreiðum sínum en reynt verður að skipa þeim í laus sæti sem ekki komast á eigin farartæki. Áhugasömum er bent á að hafa samband við Eyjólf Magnússon (eyjolfm@hi.is) eða Hrafnhildi Hannesdóttur (hh@vedur.is).

Vorfundur og nýtt fréttabréf JÖRFÍ

Vorfundur Jöklarannsóknafélags Íslands verður haldinn þriðjudaginn 30. apríl kl. 20 í Öskju, náttúrufræðahúsi Háskóla Íslands.

Á fundinum ræða Hrafnhildur Hannesdóttir og Snævarr Guðmundsson í máli og myndum um breytingar á skriðjöklum Vatnajökuls á Suðausturlandi og landbreytingar framan þeirra frá lokum 19. aldar.

Nánar um efni vorfundarins í nýju fréttabréfi JÖRFÍ.

Verkefnið „Hörfandi jöklar“

Á undanförnum misserum hefur verið unnið að miðlun upplýsingum um jökla og loftslagsbreytinga í gegnum verkefnið Hörfandi jöklar,  í samstarfi Umhverfis-og auðlindaráðuneytisins, Vatnajökulsþjóðgarðs, Veðurstofu Íslands, Jarðvísindastofnunar Háskólans, Náttúrustofu Suðausturlands og Gagaríns. Ein af afurðum þess verkefnis er fræðslubæklingur sem gefur innsýn í þær breytingar sem hlýnandi loftslag hefur á skriðjökla Vatnajökuls.  Bæklingurinn er á íslensku og ensku og má nálgast í gestastofum Vatnajökulsþjóðgarðs en einnig sem pdf skjal:

https://www.vatnajokulsthjodgardur.is/static/files/Utgefid-efni/VJP-sameiginlegt/horfandi-joklar_2017_pdf-af-baekling.pdf

5_3b_Skridjoklar-Oraefajokull

Aðalfundur og nýtt fréttabréf

Aðalfundur Jöklarannsóknafélags Íslands verður haldinn í Öskju, náttúrufræðahúsi Háskóla Íslands, þriðjudaginn 26. febrúar 2019 kl. 20:00. Að loknum aðalfundarstörfum verður sýnd kvikmynd Árna Stefáns­sonar um Fransk-íslenska leiðangurinn á Vatnajökul í mars-apríl 1951.

Nánar um efni aðalfundar í nýju fréttabréfi Jöklarannsóknafélagsins.