Jólakveðja

Kæru félagar,

Gleðileg jól og gæfuríkt komandi ár.
Hjartans þakkir fyrir samúð og hlýhug við andlát mannsins míns Vilhjálms Freys.

Kveðja,
Kristjana Harðardóttir og fjölskylda

Árshátíð JÖRFÍ

Árshátíð JÖRFÍ verður haldin laugardaginn 10. nóvember. Fordrykkurinn í ár er í boði Landsvirkjunar og hefst klukkan 18:00 að Háaleitisbraut 68. Rúta frá Guðmundi Jónassyni mun flytja gesti á sjálfan veislustaðinn sem að þessu sinnu er ÖRlítið fyrir utan höfuðborgina og mun því rútan flytja okkur aftur í bæinn að veisluhaldi loknu kl.1:00.

Miðinn kostar kr. 5.500,- og hefst miðasalan 23. okt. Miða má nálgast hjá Finni í Öskju (525-4936), Grétari í málmsteypunni Hellu hf Kaplahrauni 5 í Hafnarfirði (898-5988), Hálfdáni (865-9551) eða Tómasi á Veðurstofunni og hjá skemmtinefnd sem einnig veitir allar nánari upplýsingar um árshátíðina; Ágúst Þór (695-3310), Hlín (849-6198) og Snævarr (897-7976). Miðar verða einnig til sölu á haustfundi félagsins.

Haustfundur annað kvöld

Við minnum á haustfund félagsins sem haldinn verður í Öskju, náttúrufræðahúsi Háskólans, annað kvöld, þriðjudaginn 30. október kl. 20. Í tilefni af því að á þessu ári eru 100 ár liðin frá fæðingu Sigurðar Þórarinssonar jarðfræðings þá er haustfundurinn helgaður minningu hans. Á fundinum mun Sigurður Steinþórsson segja frá ævi og störfum Sigurðar Þórarinssonar og Halldór Ólafsson segja frá jökla- og fjallaferðum með Sigurði (ranghermt var um myndasýningu í fréttabréfi).

Nánar um efni haustfundarins í nýútkomnu fréttabréfi.

GJÖRFÍ

Gönguferðir GJÖRFÍ eru hafnar aftur að hausti. Ferðirnar eru á allra færi og eru að jafnaði farnar annan hvern þriðjudag kl. 18:00. Í forsvari fyrir hópnum eru Ástvaldur Guðmundsson, Jósef Hólmjárn og Þóra Karlsdóttir. Dagskrá haustsins er hér að neðan. Munið ennisljósin!

Dags. Áfangastaður Brottför
23. okt. Heiðmörk Borgarstjóraplan
6. nóv. Fossvogsdalur Borgarspítalinn, þyrlupallsmegin
20. nóv. Laugardalur Gló á Engjateig
4. des. Grafarvogur Grafarvogskirkja
18.des Öskjuhlíð Hótel Loftleiðir. Biti á Hótel Natura að göngu lokinni
8. jan. Rauðavatn Morgunblaðshöllin
22. jan. Seltjarnarnes og Grótta Bílastæði við Gróttugranda

Nýtt fréttabréf og haustfundur

Nýtt fréttabréf Jöklarannsóknafélagsins er komið út og er aðgengilegt hér.

Haustfundur félagsins verður haldinn í Öskju, náttúrufræðahúsi Háskólans þriðjudaginn 30. október kl. 20. Í tilefni af því að á þessu ári eru 100 ár liðin frá fæðingu Sigurðar Þórarinssonar jarðfræðings þá er haustfundurinn helgaður minningu hans. Nánar um efni haustfundarins í nýútkomnu fréttabréfi.