Dagskrá GJÖRFÍ í upphafi vetrar

Gönguferðir GJÖRFÍ, gönguhóps Jöklarannsóknafélagsins, eru á allra færi og verða í vetur að jafnaði farnar annan hvern fimmtudag kl. 17:30. Í skammdeginu verður gengið eftir upplýstum göngustígum, ennisljós geta þó komið að gagni. Gönguferðirnar taka ca 1 1/2 – 2 klst. Oft er farið á veitingastað að lokinni göngu, (upplagt fyrir þá sem ekki komast í göngu að hitta hópinn þar). Í forsvari fyrir hópnum eru Ástvaldur Guðmundsson og Þóra Karlsdóttir, en frekari upplýsingar má nálgast hjá Þóru í síma 866-3370.

Dagskráin fram að jólum er hér að neðan.

Dags. Áfangastaður Brottför frá
4. október Fossvogsdalur Austan Borgarspítala
18. október Korpúlfsstaðir Korpúlfsstaðir
1. nóvember Laugardalur Áskirkja
15. nóvember Nauthólsvík Nauthóll
29. nóvember Kópavogsdalur Digraneskirkja
13. desember Vatnsmýri Norræna húsið

Það styttist í árshátíð JÖRFÍ!

Nú eru einungis fjórir dagar til stefnu í partý ársins: Árshátíð JÖRFÍ!

Fjallakofinn býður í fordrykk í útibúi sínu í Kringlunni og er mæting kl. 18 á laugardaginn 17. nóvember. Þaðan mun svo rúta frá Guðmundi Jónassyni keyra okkur að árshátíðarsalnum.

Til þess að allir geti drukkið sinn uppáhalds drykk skal hver og einn koma með eigin veigar fyrir sig. Þeir sem vilja geta gerst vildarvinir barsins með því að leggja fram flösku í sameiginlega barinn fyrir til dæmis þá sem misreikna drykkjarlöngun sína.

Miðaverð er kr. 6.500, – og miðar eru til sölu hjá Dísu í Öskju (s. 525-5862) og Baldri á Veðurstofunni (s. 773-4045). Innifalið eru fordrykkur, rúta til salarins, dýrindis kvöldverður, happdrættismiði og frábær skemmtun.


Af efni haustfundar


Haustfundur 6. nóvember

Haustfundur Jöklarannsóknafélags Íslands verður haldinn þriðjudaginn 6. nóvember kl. 20 í Öskju, náttúrufræðahúsi Háskóla Íslands.

Á fundinum munu Halldór Geirsson og Kristín Jónsdóttir fjalla um Öræfajökul og ókyrrðina sem í honum hefur verið undanfarið ár. Eftir kaffihlé mun Katla Sigríður Magnúsdóttir vera með myndasýningu frá vorferð JÖRFÍ í júní 2018, m.a. frá Öræfajökli og Bárðarbungu.

Skemmtinefnd JÖRFÍ minnir á árshátíð Jöklarannsóknafélagsins sem haldin verður laugardaginn 17. nóvember!

Nánar um efni haustfundarins og árshátíðina í nýju fréttabréfi JÖRFÍ.


Árshátíð JÖRFÍ 17. nóvember!


Árshátíð JÖRFÍ 17. nóvember